Sumqayıt Dövlət Universiteti rəhbər vəzifələr üzrə müsabiqə elan edir*

*Sumqayıt Dövlət Universiteti rəhbər vəzifələr üzrə müsabiqə elan edir*

Azərbaycan Respublikası Elm və Təhsil Nazirliyinin tabeliyində fəaliyyət göstərən Sumqayıt Dövlət Universiteti (SDU) rəhbər vəzifələr üzrə vakant yerlərin tutulması üçün müsabiqə elan edir.

*Müraciət linki:*

https://inkishaf.az/az/vacancies/sumqayit-dovlet-universiteti-rehber-vezifeler-uzre-musabiqe-elan-edir

Vakant vəzifələr

Müsabiqə üzrə ümumilikdə 6 vakant vəzifə təqdim olunur:

1. Energetika və rəqəmsal texnologiyalar fakültəsinin dekanı

2. Energetika və nəqliyyat texnologiyaları kafedrasının müdiri

3. Fizika kafedrasının müdiri

4. Riyaziyyat kafedrasının müdiri

5. Biologiya kafedrasının müdiri

6. Ekologiya kafedrasının müdiri

Əsas şərtlər

- İş yeri: Sumqayıt şəhəri, 43-cü məhəllə

- Əmək müqaviləsi: Müddətli

- Əməkhaqqı: Müsahibənin nəticələrinə əsasən müəyyən edilir

- İş rejimi: Əmək cədvəlinə uyğun

- Tələb olunan təcrübə: Ən azı 5 il elmi-pedaqoji fəaliyyət

- Sığorta: Tibbi sığorta

Namizədlərə dair tələblər

Kafedra müdiri vəzifəsinə müraciət edən şəxslər müvafiq sahə üzrə peşə-ixtisas hazırlığına, elmi dərəcəyə və elmi ada, eləcə də azı 5 illik elmi-pedaqoji təcrübəyə malik olmalıdırlar. Müsabiqədə Azərbaycan Respublikası vətəndaşları, həmçinin qanunvericiliyin tələblərinə uyğun olaraq xarici ölkə vətəndaşları iştirak edə bilərlər.

Namizədlərin ingilis dili biliyi B1 səviyyəsində olmalıdır.

Tələb olunan bilik və bacarıqlar

Namizədlərdən aşağıdakı peşəkar və idarəetmə bacarıqları tələb olunur:

- Liderlik və strateji idarəetmə: Akademik heyətə rəhbərlik etmək, komandanı motivasiya etmək və inkişaf strategiyaları hazırlamaq;

- Kommunikasiya: Yazılı və şifahi ünsiyyət qurmaq, hesabatlar hazırlamaq və işgüzar münasibətləri effektiv idarə etmək;

- Analitik düşüncə və qərarvermə: Problemləri təhlil etmək və əsaslandırılmış qərarlar qəbul etmək;

- Komanda işi: Akademik və inzibati heyətlə əməkdaşlıq etmək;

- Təşkilatçılıq: İş proseslərini planlaşdırmaq, vaxtı və resursları səmərəli idarə etmək;

- Tədris və mentorluq: Müasir tədris metodlarından istifadə etmək, tələbələrin və gənc akademiklərin inkişafına dəstək göstərmək;

- Rəqəmsal bacarıqlar: Microsoft Office, Google Workspace, Moodle, elektron poçt xidmətləri, Zoom, Microsoft Teams və Google Meet platformalarından istifadə etmək.

Müraciət üçün tələb olunan sənədlər

Müsabiqədə iştirak etmək istəyən namizədlər aşağıdakı sənədləri təqdim etməlidirlər:

- Ərizə

- Kadrlar uçotunun şəxsi vərəqəsi;

- Tərcümeyi-hal;

- Ali təhsil, elmi dərəcə və elmi adı təsdiq edən sənədlərin surətləri;

- Elmi, tədris və tədris-metodiki işlərin siyahısı;

- Kafedranın inkişafına dair platforma.

Sənədlərin təqdim edilməsi

Ünvan: Sumqayıt şəhəri, 43-cü məhəllə, Sumqayıt Dövlət Universitetinin əsas binası, 233-cü otaq.

Son müraciət tarixi: 24 noyabr 2026-cı il.