Перейти к содержимому
inkishaf.az
Новости

Rəsədxana: Geomaqnit qasırğası gözlənilir

Просмотры: 4

Elm və Təhsil Nazirliyinin N.Tusi adına Şamaxı Astrofizika Rəsədxanası kosmik hava durumu və proqnozunu açıqlayıb.

Rəsədxana: Geomaqnit qasırğası gözlənilir

"İnkishaf.az" "AZƏRTAC"a istinadən xəbər verir ki, Elm və Təhsil Nazirliyinin N.Tusi adına Şamaxı Astrofizika Rəsədxanası kosmik hava durumu və proqnozunu açıqlayıb.

Rəsədxanadan AZƏRTAC-a bildirilib ki, Günəş fəallığı nisbətən artaraq, C və M sinif alışmalar qeydə alınıb. Günəş səthində ləkələrin sayı artaraq 6 qrupda 83-ə çatıb. Həmçinin tac dəlikləri müşahidə olunub.

Günəş küləyinin sürəti saatda 814 kilometrədək yüksəlib. Geomaqnit sahəsinin intensivliyi isə əsasən sakit və aktiv səviyyələr arasında dəyişib. Noyabrın 7-də G1 səviyyəli geomaqnit qasırğası qeydə alınıb. Hazırda kosmik hava sakitdir.

Noyabrın 16-dan 23-dək C sinifli Günəş alışmalarının başvermə ehtimalı 90 faiz, M sinifli alışmaların ehtimalı 25 faiz, X sinifli alışmaların ehtimalı isə 5 faizdir. Enerjisi 2 MeV-dən çox olan elektron selinin artacağı, proton selinin isə fon səviyyəsində qalacağı gözlənilir.

Günəş küləyinin sürətinin tac kütlə atılmaları və tac dəliyi axınlarının təsiri ilə noyabrın 17-18-də yüksələcəyi, sonradan normallaşacağı proqnozlaşdırılır.

Həmçinin noyabrın 14-də qeydə alınmış tac kütlə atılmaları və tac dəliklərinin təsiri ilə noyabrın 17-18-də G1 səviyyəli zəif geomaqnit qasırğasının baş verməsi gözlənilir.

Категория: Страна 1 мин чтения Ещё от автора Röyalə Sovzaliyeva →
Поделиться

Похожие публикации

0 комментариев

Комментариев пока нет. Станьте первым, кто поделится мнением.

Войдите, чтобы присоединиться к обсуждению.

Комментарии может читать любой. Чтобы написать, нужен бесплатный аккаунт.

Сайт использует cookie для входа, безопасности и собственной статистики посещений. Сторонние рекламные трекеры не используются. Политика конфиденциальности