Şamaxı Ailə Mərkəzində baş mühasib, psixoloq və sosial iş üzrə mütəxəssis vəzifələri üzrə işə qəbul vakansiyası

Azərbaycan Respublikasının Ailə, Qadın və Uşaq Problemləri üzrə Dövlət Komitəsi tabeliyində fəaliyyət göstərən Şamaxı Ailə Mərkəzində baş mühasib, psixoloq və sosial iş üzrə mütəxəssis vəzifələri üzrə işə qəbul müsabiqəsi elan edilir.

Müsabiqədə iştirak etmək istəyən şəxslər şəxsi məlumatlarını əks etdirən anketi (CV) 30 noyabr 2026-cı il tarixinədək [email protected] elektron poçt ünvanına göndərə bilərlər.

Baş mühasib vəzifəsi üçün müvafiq sahə üzrə ali təhsil və İctimai Sektor üçün Mühasibat Uçotunun Beynəlxalq Standartları üzrə II səviyyə Peşəkar Mühasib Sertifikatı (PMS) tələb olunur.

Müraciət zamanı elektron məktubun mövzu hissəsində rayonun adı və müraciət edilən vəzifə mütləq qeyd olunmalıdır. CV azərbaycan dilində tərtib edilməlidir.

Yalnız vakansiyalar üzrə müəyyən edilmiş tələblərə uyğun gələn namizədlərlə əlaqə saxlanılacaqdır.

Əlaqə: Ailə məsələləri şöbəsinin Mərkəzlərlə iş sektoru (+994 12) 493-79-62